Viku 37 eydnaðist 9.b loksins at sleppa á seturskúla í Skorastovu. Ætlanin var at fara í juni mánaði, men tá viðraði sera illa at fara í fjøllini við bæði kulda og regni.
Vit vóru so heppin, at Leivur og Bjørg vóru farin frammanundan og høvdu kynt og baka pannikøkur, so vit komu til búgvi borð og heita smáttu.
Vit gingu nógv í góðveðrinum og vitjaðu bæði Giljastovu og Dalhús. Av sonnum ein strævin men sera góður seturskúli, hóast ymiskar avbjóðingar á sanitera økinum.
Nú er rørslu- og adventurebreyt byrjað í 10. flokki.
Herfyri vóru tey telttúr við Fjallavatn, har tey gjørdu mat á stormkøki, brendu bál, onkur fiskaði og annars hugnaðu tey sær.
Ein stak væleydnað ferð.
Hetta skúlaárið vera tveir næmingar í Dímunar skúla. Umframt Óla Jákup, sum gongur í 3. flokki, er Andrea byrja í 1. flokki. Ólavur Mørkøre er lærari, og verur hetta hansara triðja ár í Dímun. Børnini hava tvær tær fyrstu vikurnar verið í Vestmanna skúla, men nú eru tey farin út til Dímunar at ganga í skúla.
Við virðing fyri tí einstaka og umhvørvinum, grundfest í bygdarmentanini, virkar skúlin fyri stimbrandi læru, skapanargleði og rørslu.
