Sum undanfarnu ár skipar Vestmanna skúli fyri endurskinskapping í 1.- 7. flokkunum. Endamálið er at varpa ljós á, at børnini skulu síggjast í ferðsluni.
Kappingin byrjar mánadagin 1. november 2021 og heldur á til jólar. Kappingin er skipað soleiðis, at lærarin, ið hevur flokkin, hvønn morgun kannar, hvør ið hevur endurskin á sær, tá ið møtt verður í skúla. Treytin er, at endurskinið sæst frá øllum síðum.
Hesa vikuna er evnisvika í skúlanum. Evnini eru tikin úr heimsmálunum hjá ST.
| 1., 2. og 3. fl. | Lív á landi - fuglar |
| 4. og 5. fl. | Lív í havi og vatni |
| 6. og 7. fl. | Ábyrgdarfull nýtsla og framleiðsla |
| 8. og 9. fl. | Sálarheilsa - gera filmar |
| 10. fl. | Fyrireika kaffisølu |
Evnisvikan endar við eini framsýning og kaffisølu í skúlanum á Kongsteigum hósdagin kl. 17 til 19. Øll eru hjartaliga vælkomin.
Viku 37 eydnaðist 9.b loksins at sleppa á seturskúla í Skorastovu. Ætlanin var at fara í juni mánaði, men tá viðraði sera illa at fara í fjøllini við bæði kulda og regni.
Vit vóru so heppin, at Leivur og Bjørg vóru farin frammanundan og høvdu kynt og baka pannikøkur, so vit komu til búgvi borð og heita smáttu.
Vit gingu nógv í góðveðrinum og vitjaðu bæði Giljastovu og Dalhús. Av sonnum ein strævin men sera góður seturskúli, hóast ymiskar avbjóðingar á sanitera økinum.
Við virðing fyri tí einstaka og umhvørvinum, grundfest í bygdarmentanini, virkar skúlin fyri stimbrandi læru, skapanargleði og rørslu.
