Sum siður er, varð farið upp á gólv føstulávintsmánadag. Dansurin gekk lystiliga í auluni, har nógvar stuttligar grýlur vóru at síggja, m.a. ein jólamaður, fleiri indianarar, brotsmenn av ymsum slag og eitt so sjáldsamt sum ein høvuðleysur maður.
Aftana dansin fingu bæði grýlur og næmingar saft og spandauarar, og tað kom væl við, sigst.
Í morgin týsdag er frídagur, so í kvøld verða helst nógvar grýlur at síggja í bygdini.
Føstulávintshaldið mánadagin 24. februar byrjar kl. 9.00, har næmingarnir í 1. - 7. fl. møta í floksstovuni saman við flokslæraranum.
Kl. 9.20 fara vit uppá gólv. Tá vit eru liðug at kvøða, fara næmingarnir aftur í floksstovurnar, har teir fáa spandauar og saft frá skúlanum.
Dagurin endar kl. 11.00
Frítíðarskúlin letur upp kl. 11.00
Týsdagin er frídagur hjá skúlanum
Kunnandi fundur um 10. flokk komandi skúlaár verður fyri foreldur og næmingar í framhaldsdeildini.
Fundurin verður í floksstovuni hjá 8.a (Fitjastovu) hósdagin 27. feb. 2020 kl. 18:00.
Árligi skreiðidagurin var sum vant hildin á Rógvubøi í dag. Næmingarnir hugnaðu sær óført í tí góða vetrarveðrinum. Flestu teirra høvdu tikið sleður og fjalir við. Nøkur høvdu tað so sera stuttligt á einum stórum plastikkstykki, har pláss var fyri eini 8-10 í senn.
Tiltakið endaði við at Ioana og Kirsten komu út á Ullhellu við bollum og kakao.
Myndirnar tók Sarita.
Skúlastýrið í Vestmanna skúla hevur sett Fríðgerð Ovadóttir í farloyvisstarvið sum varaskúlastjóri í Vestmanna skúla.
Fríðgerð er 39 ára gomul. Hon gjørdist lærari í 2012, men hevur starvast innan læraraøkið síðan ár 2000. Fríðgerð hevur verið lærari bæði í vanligum fólkaskúlum og á Háskúlanum. Fríðgerð gjørdist 1. lærari í Hósvíkar skúla í 2017, og har hevur hon starvast síðan. Harumframt hevur Fríðgerð tikið eina leiðsluútbúgving innan almenna fyrisiting í 2019.
Fríðgerð byrjar í starvinum mikudagin 22. januar 2020
Innskriving 1. flokk verður mikudagin 22. januar 2020 kl. 16.00.
Komandi 1. floks næmingar og foreldur teirra eru vælkomin til innskrivingina.
Tað verða Durita Danielsen og Daniel Rapa, sum koma at hava komandi 1. flokk. Durita verður flokslærari og lærari í føroyskum, meðan Daniel kemur at hava tey í støddfrøði.
Minnist til at hava dóps- ella navnabræv og P-tal við.
Við virðing fyri tí einstaka og umhvørvinum, grundfest í bygdarmentanini, virkar skúlin fyri stimbrandi læru, skapanargleði og rørslu.
