Previous Next

"Kavin kom í morgun" yrkir Martin Joensen, og í morgun kom fyrsti kavin í ár.

Børnini gleðast um kavan og eru skjót at gera kavamenn í skúlagarðinum og á plenuni.

Komandi hóskvøld tann 19. novembur kl 19, skipar skúlastýrið fyri árliga felags foreldrafundinum.

Fyrst á skránni verður ársætlanin løgd fram og síðani verður fyrilestur við evnininum "Happing". Tað verða Liljan Petersen og Barbara Djurhuus frá Sernámi, sum koma at halda fyrilesturin. Evnið er sera viðkomandi í dagsins samfelag, og í eini bygd sum Vestmanna, tí vóna vit at síggja nógv fólk. Fyrilesturin er fyri foreldur at børnum og starvsfólki í Vestmanna Skúla.

Korona tilmælini verða fylgd.

Vinarliga Skúlastýrið

Previous Next

Nordens Dage eru nú komnir at enda, og okkara næmingar hava hugnað sær við at hitta ungdómar
úr øðrum norðurlondum.

Tey hava verið sera ágrýtin og hugagóð. Hvønn dag hava tey gjørt filmar, loyst uppgávur
og samskift við nýggj norðurlendsk vinfólk.

Bæði lærarar og næmingar eru væl nøgd við tiltakið.

Hesi eru vald í skúlastýrið fyri Vestmanna skúla:

• Jona Seloy
• Jóhan Müller
• Fríðunn Vestergaard

Dagarnar 10. til 12. nov. 2020 verða norðurlendskir dagar í framhaldsdeildini.

Í verkætlanini "Norðurlendskir dagar" samstarva og samskifta næmingar úr norðurlondum á netinum í 3 dagar. Í Vestmanna skúla eru tað næmingar úr 8. og 9. flokkunum, ið taka lut í verkætlanini. Tey samstarva við at gera videobrot um teirra dagliga lív, har evnið í ár er "Fartelefonin - vinur ella fíggindi?". Filmarnir verða vístir fyri næmingar úr hinum londunum. Tey hittast síðani dagliga online til samrøður og kjak við støði í filmsbrotunum. Luttakandi londini í eru: Áland, Svøríki, Noreg, Ísland, Føroyar, Danmark og danskir skúlar í Slesvig.

Endamálið við verkætlanini er at seta fokus á grannamálini, danskt, norskt og svenskt og at skapa áhuga fyri hesum millum ung. Hetta er triðja árið, har Vestmanna skúli er við.

Tað eru Sarita Eriksen og Kirsten Simonsen, ið skipa fyri verkætlanini.